«МЕКТЕПКЕ ЖОЛ – 2020» ҚАЙЫРЫМДЫЛЫҚ АКЦИЯСЫ

Жамбыл обылысы Қордай ауданы Көктөбе ауылы №40 НМ.
№40 негізгі мектебінде 2020-2021 оқу жылында көмекке мұқтаж отбасынан шыққан балаларды әлеуметтік көмекпен қамту мақсатында «Мектепке жол» қайырымдылық акциясы биыл тамыз айынан бастап ұйымдастырылды.
Акция «Жақсылық жасауға асығайық!» ұранымен өтті. Тамыз айының басында қамқоршылық кеңесінің төрайымы С.У Ташметова бастаған мектеп әкімшілігімен бірлесіп «Мектепке жол» акциясы негізінде атқарылатын іс-шаралар жоспары құрылып, бұйрық шығарылды. «Мектепке жол» атты ақпараттық стенд жасалынып, ілінді. Ағымдағы жылы қайырымдылық акциясына қолдау көрсететін демеушілерді, кәсіпкерлерді,еріктілерді тарту басты мәселесі болды.Елімізде болып жатқан пандемияға байланысты әртүрлі қайырымдылық іс әрбір мұқтаж отбасы үшін зор көмек.